مواقف طريفة لطلاب أول ابتدائي ( لا تفوتكم ).......!!!!!!!!!!!!!!!!

[size=16]السلام عليكم ورحمة الله وبركاته



زوج اختي مدرس للصف الأول الإبتدائي ودائما يحكي لنا عن مواقفه مع هذا الصف

والتي رغم صعوبة بعضها ورغم الإحراج الي يسمعه من بعض الطلاب إلا انه متمسك فيهم

ولا يريد تغيير صفه أبدا

اليكم بعض من هذه الواقف الطريفه لهؤلاء الطلاب




يقول زوج اختي :: ورطوني الإداره بمسك مادة الفنيه للصف الأول لفصلي فقط

بعد ما أخذ مرس الفنية إجازه فلم امتنع أبدا قلت يله كلها كم خربشه على الكراسه

ويصير كل شي تمام

وفي أول حصه شرحت للطلاب الألوان الأساسيه (((( يتفلسف الأخ من راسه )))) يقول جلست

جلست اشرح واشرح وآخر شي سألت ::: هاه فاهمين ؟؟؟؟؟

الطلاب ::: ايوه

المعلم ::: طيب كل واحد يرفع لي اللون الأصفر

ماشاء ربي يقول كل الفصل رافعين الأخضر ماعدا اثنين واحد رافع الأزرق والثاني البنفسجي

يقول ::: هنا حسيت بقمة التحطيم وان كل كلامي راح على الفاضي فقررت أن التزم بالماده

وبدون تفلسف زايد



اما الموقف الثاني فيقول فيه

أول يوم بالدراسه بدأنا بترتيب الطاولات للطلاب حتى نعلمهم معنى النظام وبينما أنا كذلك

جاء عندي طالب وسألن

الطالب :: استاذ استاذ

المعلم :: نعم وش تبي أنا مشغول

الطالب :: متى تجي العطله ؟؟؟؟؟؟؟؟؟؟؟

المعلم :: هههههههههه تونا حبيبي ما بدينا حتى تجي العطله ليش مستعجل

الطالب :: لا لا لا أبي العطله تجي اليوم

المعلم :: حبيب لازم ندرس وننجح وبعدين تجي العطله

الطالب ::: وبدأ صراخه يعم أرجاء المدرسه (( ما ابي ابي العطله وااااااااااااااااااااااااااااء

المعلم :: حبيبي اذا نجحت اعطيك هديه وبعدين تجي العطله

الطالب :: هديه ؟!!! واااااااااااااااااااااااااااا ابي هديه ابي هديه الحين

واااااااااااا عطني هديه الحين .........................الخ (( عواقب التفلسف مع البزران خخخخخخخخخخخ




الموقف الثالث

المعلم ::: يله كل واحد يطلع مادة القراءه بسرعه

وبدأ الطلاب يطعون الكتب والمعلم يكتب التاريخ على السبوره

يقول ولا حسيت الا فيه شي ماسك ثوبي من ورى

التفت ورى لأنه احد الطلاب يقول ::: يبه يبه تسمح اروح للحمام

خخخخخخخخخ الطالب نسي وقال ((((( يبه )))))) بعدهم مو متعودين




الموقف الرابع

هذا الموقف مع زوج اختي وولده الي كان يدرسه بالصف الأول ولا يفوتكم مو بس

ولده لا وولد أخوه بعد الي كان بعمر ولده وكانوا الإثنين جالسين بجنب بعض

يعني العيله كلها مجتمعه بصف واحد خخخخخخخخ

المهم اعلمكم الموقف مره خطير

المعلم :: مين الممتاز الي يجيب لس اسم يبدأبحرف الميم ؟؟؟؟؟؟

زياد (( ولد المعلم طبعا )) :: أنا أنا اعرف

المعلم :: تفضل يازياد

زياد :: مها

المعلم :: ممتاز صفقوا له

وإذا بهم يسمعون شهقه بالكرسي المجاور لزياد وكانت من ((( عبودي ولد عمه )))

عبودي ::: ليش يا زياد ليش تقول اسم اختي والله لأقول اسم اختك

زياد :: نسيت ما دريت أمانه لا تقول اسم اختي ترى اعلم ابوي واخليه يضربك

المعلم طيب مين يجيب لي اسم بحرف السين

عبودي :: أنا أنا اعرف (( ساجده ))

زياد :: صرخ يوووووووووه شوفه يابابا قال اسم شغالتنا اضربه

يقول وبدأت المعركه بينهم ابتداء بالتكفيخ ثم المسك بالشوش ثم العويل والبكاء

وأنا وبقية الفصل نتفرج خخخخخخخخخخخخخخخخخخخ ((( محد قال لك تسوي مجلس العائله

هنا بالفصل كان سجلت لهم في مدرسه ثانيه ))





والموقف الي بعده

المعلم مين يقول لي كلمة (( نبت )) تبدأ بحرف ايش؟؟

الطالب :: تبدأ بحرف النون

المعلم :: ممتاز طيب كلمة (( سياره )) تبدأ بحرف ايش؟؟؟

الطالب :: تبدأ بحرف .... حرف ... ايه تبدأ بحرف السون خخخخخخخ(( السون على وزن النون ))




وكثير كثير مواقف للطلاب بالمدارس لكن والله هذا الي يحضرن حاليا

والي عنده موقف يخبرنا فيه

واتمنى انكم ضحكتوا مثل ما ضحكت يوم خبرن فيها زوج اختي

وبس خلص كلامي

شكرا لكم جميعا ..............!!!!!!





بقلم اخوكم :: @ عبدالله ال سويد@